Page:Wace - Vie de saint George, 1858.djvu/24

La bibliothèque libre.
Cette page a été validée par deux contributeurs.
 Les corrections sont expliquées en page de discussion

Porquei ont en tei si grant fiance ?
Qui es-tu ? que est ta puiçance ? »
Apolin dist : « Déable sui,
Qui fai à mains omes ennui ;
Les ymages fais aourer,
Et Deu del ciel desonorer. »

Lors fu sains Jorge corossiés,
En terre fiert un de ses piés ;
Ele fendi contr’aval tote,
Jusqu’en abisme fut derote.
Lors prist et quassa les ymages ;
Tot de se ne fist-il que sages.
Lors fist Apolin le déable
Trabucher en leu péreillable,
Aval l’enclost, et enserra
Et en l’abisme l’enterra.
Li fels d’ire par poi ne creve,
De ce qu’il veit forment li greve.
Daciens, de ces deus li menbra ;
Li saint prist, tot le desmenbra ;