Mozilla.svg

Recueil des lettres missives de Henri IV/1579/20 décembre ― À monsieur de Scorbiac

La bibliothèque libre.
Sauter à la navigation Sauter à la recherche



1579. — 20 décembre.

Orig. – Arch. de M. le baron de Scorbiac, à Montauban. Copie transmise par M.Gustave de Clausade, correspondant du ministère de l’Instruction publique.


À MONSR DE SCORBIAC,

CONSEILLER DU ROY MON SEIGNEUR EN SA COURT DE PARLEMENT DE THOLOSE.

Monsr de Scorbiac, Puisque ceulx à qui on a desnié la justice ez courts de parlement ont recours à moy pour les faire jouir du benefice de l’edict, je ne veulx pas qu’ils se trouvent frustrez de l’esperance qu’ils en ont conceue. Et estant le capitaine Bajou de ce nombre, pour avoir porté les armes pour nostre party, je vous prie, en tout ce que le devoir de juge pourra compatir avec l’office que je desire de vous, luy despartir de vostre faveur et ayde en l’affaire qu’il a en vostre compaignie ; le bon succez duquel je desire aussy affectionneement comme de bien bon cœur je vous en prie, et Nostre Seigneur et Sauveur vous avoir en sa garde. De Mazeres, le xxe decembre 1579.

Vostre bien asseuré amy,
HENRY.