Orig. autographe. — B. R. Fonds Béthune, Ms. 8828, fol. 46 recto.
Cop. — B. R. Suppl. fr. Ms. 1009-4.
Mon Cousin, Je suis bien ayse de ce que avez faict[1] pour mes subjects de Ryons, parce qu’ils sont pauvres et qu’il me semble que je merite, quelque commission que monsr l’eslu ayt du Roy, d’estre un peu plus respecté qu’il n’a faict. Je vous prye que vous nous venyés voir le plus tost que vous pourrés, parce que je desire avoir ce bien, et aussy que nous resoudrons s’il faudra aller au Mont de Marsan ou en Quercy et Rouergue, où les choses sont entres mauvais estat, et à quoy il est besoin de remedier, si on ne veut y voir un grand mal. Il ne s’est rien garde de ce que vous y aviés ordonné. J’y avois envoyé le capitaine Chaudet, qui a faict delivrer Cambefort le vieux. Il m’a rapporté un cahier de la part de ceux de la Religion, que je vous envoye pour le voir et y pourvoir. Je vous prye que nous nous voyons et que vous donnés ordre au payement des garnisons des villes de sureté, à qui il est deu troys moys. Je vous prye d’aimer tousjours
- ↑ Le texte porte : Je suis bien ayse que vous ayez faict.....