Rondeaux (Christine de Pisan)/LVII
LVII
Vostre doulçour mon cuer attrait,
Je ne vous vueil plus reffuser ;
Doulz ami, que vault le muser[1]
Quant par voz yeulx Amours me trait ?[2]
Si vous vueil amer sanz retrait
A tousjours mais, car sanz ruser
Vostre doulçour mon cuer attrait.
Or soiez tout mien, sanz faulx trait,
Ainsi pourrons noz jours user
En grant doulçour, sanz mal user ;
Car par vostre plaisant attrait
Vostre doulçour mon cuer aurait.