« Page:Anonyme - Rondeaux et autres poésies du XVème.djvu/101 » : différence entre les versions
Apparence
m entete page |
|||
En-tête (noinclude) : | En-tête (noinclude) : | ||
Ligne 1 : | Ligne 1 : | ||
{{nr| |
{{nr||ET AUTRES POÉSIES|29}} |
Version du 1 mai 2016 à 10:40
Cette page a été validée par deux contributeurs.
29
ET AUTRES POÉSIES
XXXII
Messinot
e tous plaisirs je suis au bas :
En mon cueur a mille debas,
Tous mes esbas
Sont confus de pleurs et d’annuys ;
Male bouche, trop fort me nuys
Et jour[s] et nuys
Par tes meschans menus cabas.
Sans me touchier a mort me bas,
De croc invisible m’abas
Et me combas ;
En ce point par toy deffait suis
De tous plaisirs.
Tu sçays bien servir les rabas ;
De chacun le bon los rabas
Et t’y esbas :
Cher te coustera, se je puis.
Tu nasquis sans bien faire onc puis ;
De te[s] apuis
Je di fy, car tu me robas
De tous plaisirs.