Vous estes un fleuron qui ne fait que s’espandre
Seconde partie des Muses françoises, Texte établi par Despinelle, chez Matthieu Guillemot, (p. 244).
SONNET.
Vous eſtes vn fleuron qui ne fait que s’eſpandre,
Croiſſant ſur le buiſſon dont ie ſuis rudoié :
Vous eſtes le beau fruict de ce chãp fouldroié,
Qui pluſtoſt que ſeruir s’eſcoule tout en cendre :
Vous eſtes ceſte voix que je ne puis entendre,
Sans me voir tout ſoudain cruellement noié :
Et vous eſtes l’eſclat dont ie ſuis pouldroié,
Auant qu’auoir penſé ſi ie me doy defendre :
Bref, vous eſtes l’enfer affamé de mes pleurs,
Qui ne vous ſaoulez point de mes ſanglans malheurs,
Enfer que ie cheris ſur la ioye immortelle :
Or aduiſez, bons dieux, comment ie vis ici,
Faiſant vn Paradis d’vn Enfer ſans merci,
Ce viure n’eſt-il pas vne mort eternelle ?
A. D. V.