Iconologie (Cesare Ripa, 1643)/II/Ferocité
Férocité.
A voicy repreſentée par vne ieune Dame, pleine de
fougue, & armée de toutes pieces, tenant vn Baſton
de Cheſne auec la main droite, & portant la gauche
ſur la teſte d’vn Tigre furieux. Elle eſt peinte ieune, pource
que le ſang qui prédomine à cét âge-là, rend les hommes ardans
à tout entreprendre, ſans rien craindre. On la peint armée, dautant que les Armes rendent ordinairement ceux qui les portent
hardis & violens. Quant au Baſton de Cheſne, on le luy
donne pour ſymbole d’vn naturel indomptable ; car c’eſt en ce
ſens que les plus celebres Poëtes le prennent ; & pour cette
meſme raiſon encore elle porte la main ſur vn Tygre, Animal
farouche, & qui eſt celuy de tous les autres qu’on peut le moins
appriuoiſer.