Page:Anonyme - Macaire, chanson de geste.djvu/207

137—159

15

Macaire.

Coment li nains parole.

Or vait li nains, tornés s’en est arrier.
Tot icel jor ne fine de penser
A la roïne coment doie parler.
Et quant Macaires le nain puet encontrer,
Ne cesse mie de lui amonester
Coment le plait à chief doie mener. (*)
A une feste del baron saint Riquier,
La roïne ert desor un suen solier
O d’autres dames por son cors deporter,
Si se fesoit devant soi vieler
Et si fesoit baler et caroler.
Et li maus nains la vait aproïsmer ;
Lez la roïne se vait il acoster
Et en après sos son mantel couchier.
Si com soloit la prist à dosnoier.
Et la roïne, qui nen ot mal penser, (*)
Tot belement le prist à aplaigner. (*)
Et il li prist malement à parler.
« Dame, fait il, moult me puis merveiller
« De Kallemaine com le poés amer ;
« Por dosnoier ne valt il .i. denier. (*)
« Et tant bele estes et avés le vis cler
« Ne se poroit vostre beltés esmer.