Page:Anonyme - Macaire, chanson de geste.djvu/215

233—256

23

Macaire.

« Se je péusse d’ele avoir vengement, (*)
« Onc si joians ne fusse en mon vivant.
« Quant me remembre com me geta avant
« Jus del solier, à poi d’ire ne fent ;
« De moi vengier ai je moult grant talent. »
Et dist Macaires : « Soiés preus et vaillans,
« Et vos donrai tant or et tant argent
« Riche en seront tuit li vostre parent.
« Porpensé m’ai trestot l’engignement (*)
« Com nos porrons vengier d’ele erranment. »
Et dist li nains : « Dites le moi devant,
« Et je ferai tot le vostre commant ;
« Mais l’aparler ne me dites noiant, (*)
« Que plus la dote ne feroie un serpent. »
Et dist Macaires : « Fesons le saigement. (*)
« Il est costume l’emperéor des Frans, (*)
« Chascune nuit, ains l’aube aparissant,
« Que il se lieve à matines par tans ;
« Quant sont chantées, si s’en torne erranment
« Dedens son lit, en la chambre couchant. (*)
« Se quiers vengance, fai la par tel covent (*)
« Si saigement nus ne te soit sentant :
« Deriere l’huis t’iras acovetant
« Que ne te voie nes uns el mont vivant.