Page:Anonyme - Macaire, chanson de geste.djvu/287

1106—1132

95

Macaire.

Par or, avoir, et deniers et besans ;
Mais li rois jure et Dieu et saint Jehan
Ne li vaura tos l’ors qui fu antan
Ne soit jugiés, sel chiens le vait vaincant,
Et ars en feu ou apendus au vent,
Com si baron feront le jugement.
Tote jor fu main à main l’estors grans ;
Et li levriers le vait si adesant
Que est Macaires si las en son estant
Ne puet s’aider ne de pié ne de main.
Vait sus li chiens par ire et mautalent,
Parmi le vis le mort si fierement
Que de la joue le pom li taut tot quant.
Et brait Macaires et crie hautement :
« Où estes vos alé, tuit mi parent, (*)
« Qu’encontre un chien ne m’estes secorant ? » (*)
Dist l’emperere : « De toi sont il lointain. (*)
« Mar vis Aubri et ma dame ensement,
« Que as ocis à duel et à torment. »
Oés dou chien com se va combatant :
Sore à Macaire cort il par mautalent,
Au col le prent sil tient si fierement
Que à la terre le vait jus abatant. (*)
Et cil por Dieu en vait merci criant :
« Hé ! gentis rois qui sor tos es poissans,(*)
« Ne me laisser morir à tel torment !
« Un confessor me mandés maintenant,(*)