Page:Anonyme - Macaire, chanson de geste.djvu/295

1205—1231

103

Macaire.

Par la roïne avoir à son talent,
Quant Auberis la tensa gentement,
Dont il l’ocist à l’espée trenchant :
« De la roïne, n’en sai dire noient
« Que si s’en ert fuïe de moi devant
« Ne la poi voir ne trover tant ne quant. (*)
« El bois se fiche et merveillos et grant,
« Et je m’en torne, n’i fis arestement.
« De ce qu’oi fait, en fui grains et dolens ;
« Diex ne m’absoille se le fis autrement. »
Et dist li rois : « Tant m’as tu fait dolent,
« Reté m’oissor qu’amoie dolcement, (*)
« Ne soie onc rois ne corone portant, (*)
« Ne mengerai onques à mon vivant (*)
« S’aurai de toi véu le jugement ! (*)
« Naimes, dist Kalles, cil malvais soduians
« Traï m’oissor par son enchantement,
« Mort m’a Aubri que paramoie tant ;
« Dou jugement alés moi conseillant. »
Et dist dus Naimes : « Fesons le sagement.
« Fesons le prendre à grant cheval corant,
« Parmi Paris trainer premierement (*)
« Et en après ardoir en feu ardent ;
« Des suens parens nus n’en dira noient.
« Méisme d’eus ferions nos autretant. »(*)
Chascuns s’escrie : « Il parle gentement. »
Encor le tient li chiens estroitement