Page:Anonyme - Macaire, chanson de geste.djvu/308

116

1373—1399

Macaire.

Cuitent pur q’el soia desvé.
A la terça noit qu’i furent alberçé,
Cella dame partori una bel arité.
E la ostera si le oit alevé,
E si le oit e bagné e fasé.
De celle colse qe le venent à gré
A quela dame cele ont doné.
Ne plus ne men le servont à gré
Como ela fu de li so parenté.
E la raine li oit ben à gré.
E Varocher vait e avant e aré
Con li baston e groso e quaré,
E guarda ben l’infant q’elo non fose anblé
Ne de ilec eser via porté.
La dama stete in leto oto jorni pasé
Con fa le altre dame fora por le çité ;
E posa fo levea à li fois colçé,
Con cele dame s’estoit à parlé,
Et li oster si fo alé à lé.
« Dama, fait il, nu avon ben ovré
« Quant à nu avez bel filz aporté ;
« Quando ve plasera q’el sia batezé,
« E voro eser vestre conper clamé. »
Dist la raine : « Mile marçé n’açé ;
« De mun enfant farés la vestra volunté :
« Clamer le farés con vos vent à gré. »
Dist Primeran : « E l’o ben porpensé ;