En Honguerie venue est povrement,
Blasmée fu à tort, traïtrement, (*)
Dont l’emperere cui France est apendant (*)
L’a de son regne getée laidement :
« Vint en Hongrie et illec vos atent,
« Que li mandés à dire vo talent. » (*)
Vont s’ent li mes parmi la mer najant ;
Tant ont erré, n’ont fait arrestement,
Costantinoble au port vont descendant.
Quant sont à terre, il se traient avant, (*)
Ad un ostel si s’en vont ostelant.
Quant l’emperere en set le covenant,
Et d’ont il vienent et que il vont querant,
Il les aquieut et bien et gentement,
En son palais les mande à parlement,(*)
D’oïr noveles lor enquiert et demant.(*)
Quant a véu li rois les mesagiers,
Il lor demande et puis si les requiert
Que lor mesage li voillent tost noncer.
Et cil errant li prenent à conter :
« Sire emperere, ne vos devons celer
« Que vostre fille, Blancheflor al vis cler,
