« Que saine et vive encore la verrons.
« Mais, se vos plaist, un tens nos atendrons
« Entresi que noveles oïrons (*)
« De la roïne, se ele est morte o non. »
Dist l’emperere : « A Dieu benéiçon. »
« Sire emperere, dist Naimes de Baivier,
« Se vos volés par mon conseil ovrer,
« Tel vos donrai n’ert mie à oblier :
« Je manderoie un autre mesagier
« L’emperéor et dire et conter (*)
« Com la joutice si fiere faite avés
« Envers Macaire, le cuivert losengier,
« Qui soe fille à tort vint acuser,
« Et me l’a fait de la terre geter. (*)
« De la joutice ne se porroit parler,
« Rien de sa fille ne li puis deraisnier ;
« Ne lui sai mie ne dire ne conter
« Com se porroit ravoir ne atrover,
« Que ens el bois s’ala ele afichier.
« Et s’amendise vuet d’ele demander, (*)
« Vos estes prest de la lui deslivrer
« D’or et d’avoir, de besans et deniers. »
