L’imperer de Costantinople n’en demoro niant ;
El oit mandé par tot son tenimant
A burs, à vile, à çasté et à pendant,
Por tota sa jent, e amisi e parant.
Quant il oit asenblé tote la soe jant,
.LX. milia furent à verdi elmi lusant,
A palafroi et à destrer corant.
Li enperer non fait arestamant ;
Elo fe sa file adorner riçemant,
Et ensement ses petit enfant.
E Varocher, li pros e li valant,
Non seçorno mie longamant ;
Elo pris arme e guarnimant
Lequal furent tot à son talant.
Un gran baston q’era quarés davant
S’avoit fato, e groso e tenant,
E sença quello non vait tant ni quant.
Or oit l’inperer asenblé sa oste grant,
Dever Françe çivalçe iréamant.
Ora conseili Deo K. maino li posant,
Por un traitor fo mis en tormant.
