L’una gent cun l’autre se ferirent à bandon ;
Ne le fo cil, ni veilard ni garçon,
N’aust sanglent le vermio siglaton.
Gran fu la nose, le cri e la tençon
E li daumaçe, qi ni pisi o non.
E tuti son cristian qe in Deo creon !
Mal fo celle hore e celle pon
Qe Machario naque in le mon,
Qe por soe ovre e soa rason
Si ne mori à gran destruçion
Plus de mil, qi ne pisi o non.
Donde Damenedé li fe remision
De ses peçé, si oit confession.
Grande fu la bataile mervilosa e fer,
L’un enperer cun l’autre quant se vait encontrer.
Doncha verisés caïr qui çivaler,
L’un morto sor l’autre caïr e trabuçer.
Davant les autres s’en vait Varocher ;
Ben fu armés sor un corant destrer.
Ne sembloit mie quel che fo inprimer,
Quant in le bois aloit à converser,
Qe cun laserrel menoit li somer
