« E si metese pax et acordason
« Entro color qe un parenté son ! »
Quant li Danois fo à Varocher venu,
Elo l’apelle si l’oit à rason metu :
« Çivaler sire, vu m’avés deçéu
« Quant avant moi estes à li campo venu.
« Volez contra moi mostrer vestra vertu,
« O dever moi clamar ve recréu ? »
Dist Varocher : « Avez li seno perdu ?
« Créez qe soia qui a loga venu
« Por dir çanson ne faire nul desdu,
« Se no por conbatre à li brandi nu ?
« Se tel serés como avés li nome éu,
« Ça ver de moi non serés recréu. »
Dist li Danois : « E v’o ben entendu. »
Del canpo se donent una arçea e plu,
L’un cuntra l’autre ponçe li destrer crenu
E brandise le lance à li feri agu.
Comunelment i se sont feru,
Frosent le tarçe tote quant por menu,
Li fer trençant ont in le auberg metu ;
E qui son bon, de mort li oit defendu.
