Davant son pere, o Naimes la atent.
Quant N. la vi, li cor si le sorprent
Parler non poroit par tot l’or d’Orient.
Gran çoia ont le çivaler
Quant verent la raine qe oit le vis cler ;
I se partent davant l’inperer,
O verent la raine, se vont à ençenoler
E çentilment la vont à saluer.
« Dama, dist N., se l’olsase parler,
« Eo vos diroe un poi de mon penser :
« Qe l’inperer liqual e vestre per
« Plus saçes rois no se poroit trover
« Quando ces ovre a saçé si mener ;
« Ma, se li plais, e li vol otrier,
« Quel qe diro non voia devéer,
« Entro lui et K. e le voio apaser.
« E vos, raine, s’el vu est agraer,
« Si tornarés ves réame à guarder.
« A vos declinaroit Alemans e Baiver
« Et tota jent q’e soto l’inperer. »
Dist la raine : « Ne m’en so conseler,
« Quando me poso li jor à remembrer
