Où li dus Naimes l’atent à parlement.
Quant il la voit, li cuers si li sozprent
Mot ne sonast por tot l’or d’Oriant.
Grant joie en ont li baron chevalier
Quant véue ont la roïne au vis cler ;
Dou tref le roi se partent sans targier,
Où il la voient se vont engenoillier
Et si la vont belement saluer.
« Dame, dist Naimes, se fuisent tant osés,
« Je vos diroie un poi de mon penser :
« Dou roi vo pere qui vos a engenré
« Plus saiges hom ne se porroit trover,
« Quant cest afaire a séu si mener ;
« Mais, se li plaist et il vuet l’otrier,
« Que il mes dis ne voille devéer,
« Avec Kallon le vorrai acorder.
« Et vos, roïne, sel volés agréer,
« Si tornerés vo réaume à garder.
« Aclin vos erent Alemant et Baivier(*)
« Et tote gent qu’a Kalles à bailler. »
Dist la roïne : « Ne m’en sai conseiller,
« Quant de cel jor m’avient à remembrer
