Le texte de cette page a été corrigé et est conforme au fac-similé.
298
3534—3554
Macaire.
Gran fu la çoie, mervilosa e gran.
En Paris entrarent totes comunelman,
E la raine à la çera rian
Sor son palés ela monte çoian.
Gran fu la feste en Paris ladan ;(*)
Dame e polçelle s’en vait caroiant.
La festa dure .xv. jor en avan.
E l’inperer qe Costantinople destran
Conçé demande à l’inperer di Fran,
E li rois d’Ongarie avec lui enseman.
I se departe baldi, legri e çoiant.
E lasa la raine à la çera riant
Avec K. le riçe sorpoiant.
Da lor avanti fo pax tot tan,
Ne no le fo ni nosa ni buban.
Coment s’en torn l’Enperere in Constantinople.
L’imperere fo en Costantinople torné,
Et avec lui el meno son berné.
E Leoys, le bon rois coroné,
En Ongarie s’en fo reparié.
Gran çoia moine tot qui de le contré.
K. remist à Paris, sa cité,
