Page:Bassompierre - Journal de ma vie, 2.djvu/375

La bibliothèque libre.
Aller à la navigation Aller à la recherche
Le texte de cette page a été corrigé et est conforme au fac-similé.
371
1621. novembre.

procurée par luy quy avoit voulu, pour sauver ses canons, me hasarder a une ruine asseurée sy les ennemis l’entreprenoint comme ils feroint infailliblement, et ne manqueroint pas de bons avis de cela, et par nos gens mesmes ; toutefois que je n’avois encores refusé aucun commandement que l’on m’eut fait, et que je ne commencerois pas par celuy là, prenant neammoins a tesmoins tous ces gentilshommes, sy je me perdois, que je l’avois plustost voulu faire que de manquer aux ordres et au service du roy. Mr de Chomberg me dit que veritablement cette commission estoit ruineuse, mais qu’elle estoit importante au service du roy quy avoit une telle estime de ma suffisance et sy grande opinion de ma bonne fortune qu’il estoit tout asseuré que je la ferois heureusement reussir ; qu’il avoit bien fait connestre a Sa Majesté l’inconveníent qu’il y avoit de desgarnir ce costé du Tar avant qu’avoir fait acheminer nos batteaux chargés de canons a Moissac, mais que c’avoit esté le roy quy m’avoit nommé et destiné a cette action, tant pour les raysons susdites que parce que j’estois desja porté sur le lieu, que j’avois le commandement des trouppes et qu’il n’en pouvoit envoyer un autre a l’execution de cette affaire sans me faire tort ; finalement qu’il estoit venu me trouver avesques cette noblesse pour avoir sa part du bien et du mal quy me pourroit arriver, et qu’il mourroit avesques moy.

Cette derniere offre me ferma la bouche et fit que je me mis incontinent a faire l’ordre que j’avois a tenir, et effectuer celuy que le roy m’envoyoit. Je pris donc 400 hommes du regiment de Piemont, 200 de Normandie et 200 de Chappes pour faire ma retraitte, que