plains[1] de doctrine et de Majesté Poëtique, où il monstra[2] comme il avoit l’esprit et le style ploiable[3] à toutes sortes d’argumens * : Ce fut[4] ce qui le fit estimer encor d’avantage des grans, et principalement du Cardinal de Chastillon, qui favorisoit fort les hommes de lettres *, et du Cardinal de Lorraine[5], qui l’aima fort, et l’honora selon le merite de sa vertu * : il n’y avoit grand Seigneur en France qui ne tint à grande gloire d’estre en son amitié, dont ses œuvres font assez de foy[6]. Ce fut aussi ce qui incita[7] le sieur de Clany *, à qui le Roy Henry avoit commis la conduite de l’architecture de ses chasteaux, de faire engraver en demibosse[8] sur le hault du Louvre[9] une | Deesse en forme de Renommée, qui[10] embouche [17] une trompette[11]. Et comme un jour le Roy estant à table luy demandoit ce qu’il vouloit signifier, il luy respondit qu’il entendoit Ronsard par la figure, et par la trompette la force de ses vers, qui[12] poussoit son nom, et celuy de la France par tout le monde[13] *.
En mesme temps * il reçeut de Tolouze une gratification, non seulement liberale, mais qui temoignoit le bon esprit et jugement [14] de ceux qui l’offroient, et le merite de celuy qui la[15] rece-
- ↑ BC pleins
- ↑ C et le cœur luy ayant enflé, il resolut à l’honeur du Roy Henry et de ses devanciers Roys d’escrire la Franciade à l’imitation d’Homere et de Virgile, lesquels il se proposa pour patrons avec Apolloine Rhodien *, et la promit deslors et la commença, mais il n’en fit rien voir durant son regne, pour n’avoir esté recompensé comme il esperoit par ce Prince, dont l’inclination estoit plus aux armes qu’aux lettres et autres exercices de paix : ce qui fit desirer à nostre Ronsard le regne du grand Roy François I et d’estre venu de son temps *. Bien fit-il sortir alors ses Hynnes pleins de doctrine et de Majesté Poëtique en faveur de ceste brave Princesse Marguerite sœur du Roy, où il monstra
- ↑ On lit ploiable ou ployable au singulier dans toutes les éditions.
- ↑ A d’argumens : Ce fut
- ↑ C et de Charles Cardinal de Lorraine
- ↑ C en son amitié, et ses œuvres en font assez de foy.
- ↑ C ce qui esmeut
- ↑ B demi-bosse | C demy bosse
- ↑ BC sur le hault de la face du Louvre
- ↑ C une Deesse qui
- ↑ A trompette, et comme | C une trompette, et regarde de front une autre
deesse portant une couronne de lauriers [1609-1630 laurier], et une palme en ses
mains, avec cette inscription en table d’attente (on lit dattente) et marbre noir :
virtuti regis in-victissimi.
- ↑ A de ses vers qui
- ↑ C ce qu’il vouloit signifier par cela [,] il luy respondit qu’il entendoit Ronsard par la premiere figure [,] et par la trompette la force de ses vers, et principalement de la Franciade qui pousseroit son nom et celuy de la France par tous les quartiers de l’univers.
- ↑ C le bon jugement
- ↑ AB le (f. d’impr. évid.)
