et une autre[1] que Ronsard mesme a inserée en ses Hymnes[2] *. En recompense dequoy Ronsard luy envoya ceste belle Ode, où confirmant ce que je viens de dire[3], il faict dire par Jupiter aux Muses :
Suyvez donc ce guide icy
De qui la docte asseurance
Franches de peur[4] vous fera,
Et celuy qui defera
Les soldats de l’Ignorance[5] *.
Cette brigade de muguets ignorans ne fut pas plustost desfaicte[6]
par l’Egide de ceste Pallas de France[7] *, et par les vers et defense de
ce grand Chancelier, que toute la France commença à embrasser un
Ronsard, mesmes ses ennemis : entre autres Melin de S. Gelais[8],
qui chanta une Palinodie *, et requit Ronsard d’amitié, laquelle
Ronsard, comme il estoit d’un cœur fort noble et benin, ne refusa[9],
ains au contraire la confirma par le sceau perdurable de ses vers,
en l’Ode xxv du quatriesme livre[10], qui commence[11] :
Tousjours ne tempeste enragée
Contre ses bors la mer Egée *.
Sa gloire s’estant augmentée par les mesdisances de ses haineurs,
et le cœur luy ayant enflé, il projetta en l’honneur du Roy
Henry et de ses predecesseurs Roys, d’escrire la Franciade à l’imitation
d’Homere et de Virgile, et la promit deslors, mais il n’en
fit rien voir durant son regne *. Bien[12] fit il sortir ses Hymnes
- ↑ A Poëtis. Et une autre
- ↑ B où il respond à toutes les calomnies, laquelle j’ay pensé devoir estre mise
au jour avec ses œuvres, aussi bien que le Poëme, que Ronsard mesme a inséré
dans ses Hymnes. Le commencement de l’Elegie est tel :
Magnificis aulae cultoribus atque Poëtis.
En recompense | C même var., sauf mise au jour aussi bien que le Poëme de luy mesme que Ronsard a voulu estre enchassé dans ses Hymnes.
- ↑ C où confirmant ce que j’ay dit
- ↑ ABC Franche de peur (f. d’impr. évidente, corrigée seulement en 1623, refaite en 1630)
- ↑ AB de l’ignorance
- ↑ C de muguetz ignorans qui avoient gaigné quelque credit plus par opinion que par raison, et qui ne faisoient trouver rien de bon aux Princes que ce qui leur plaisoit *, ne fut pas plustost defaite
- ↑ BC ceste Pallas Françoise
- ↑ C commença d’embrasser un Ronsard, mesmes ses ennemis, entre autres Melin de sainct Gelais
- ↑ C laquelle comme il estoit d’un cœur fort noble et benin, il ne refusa pas,
- ↑ A virgule après xxv
- ↑ BC par le seau perdurable de ses vers, en ceste Ode, (suit la cit. de A)
- ↑ A son regne : bien