le Pater, l’Auc, le Credo, les Commandemens de Dieu, l’Oraiſon à l’Ange Gardien, & autres briefues prieres ; le tout en leur langue, pour ce que ces Peuples ont vne ineptitude naturelle d’en apprendre vne autre.
Les Dimanches nous aſſemblons toute ceſte ieuneſſe par deux fois dãs noſtre Cabane qui nous ſert de Chappelle. Le matin nous les faiſons aſſiſter à la Meſſe iuſques à l’offertoire ; deuant laquelle nous faiſons ſolemnellement l’eau beniſte, puis ie leur fais dire à tous enſemble après moy le Pater, l’Auc, & autres prieres qu’ils ſcavent. L’apreſdinée ie leur propoſe quelque petite demande du Catechiſme, & leur fais rendre compte de ce qu’ils ont appris pendant la ſemaine, donnant à chacun quelque petit prix ſelon ſon merite.
Ceſte methode coniointe auec ces petites recompenſes a des effects incroyables : car premierement cela a allumé parmy tout les enfans vn ſi grand deſir d’apprendre, qu’il n’y en a point du tout, pourueu qu’ils ſçachent tant ſois peu beguayer, qui ne vueillent eſtre inſtruits, & comme ils ſont quaſi tous d’vn aſſez bon eſprit, c’eſt auec vn grand progrez ; car meſme ils
