Extrait des registres
des baptêmes, mariages, etc.
de la paroisse de Druye.
L’an mil cinq cens/soixante et deux, après Pasques, le second jour d’Apvril, les sédicieux apellés Huguenoz prindrent et occupèrent le chastel de Tours.
Le vendredi ensuivant ils prindrent et spolièrent les églises de Sainct-Gacian, Sainct-Martiu et touttes les aultres églises do la ville de Tours, et puys après de tous les faulx bourgs, et tous les monastaires, abais, prieurés et églises paroichialles de tout le diosaize de Tours ; prindrent toutes les richesses et joiaulx estant en icelles ; prindrent ausi et ravirent tous les biens des gens eclésiastiques, tant des communaltés que des particuliers ; rompirent et gettèrent par terre les autelz (autels) et yinages ; firent brusler les ossemans des corps sainetz ; enpeschèrent que les divins services, spéciallement la messe, ne fussent dietz et célébrés et que les sacremans ne fussent administrés ; et plusieurs aultres pilleries, moultres, ravissemans et malversations faictes et perpétrées tant ès églises que monastaires de religieux et religieuses, non seullement ou diosaize de Touraine, mais ausi aux villes et diosaize d’Orléans, Chartres, le Mans, Angers, Borges, Poitiers, Lion, Rouan et aultres plusieurs lieux du royaulme de France. Tellement que l’église de Druys commansa à être spoliée et pillée par les dietz Huguenotz le samedi XXIIIe jour de May, vigille de la Trinité ; et ce par une compaignie de gens de cheval qui allont à Chinon. Et le landemain, qui fut le XXIIIIe jour et jour de la dicte Trinité, vindrent des souldars de Tours, scavoir est : ung nommé Jehan Gaillard ; ung Terriau, le filz du vitrier demourant a l’entrée de la ville de Tours, à la porte du boulevart ; et plusieurs aultres ;
