maréchal de l’armée du duc de Clarence, donna un sauf-conduit, revêtu de sa signature et de son sceau, qui assurait paix et sécurité au monastère et à la ville de Cormery, ainsi qu’aux campagnes du voisinage. Voici la copie textuelle de cette pièce curieuse :
« Thomas, comte de Dorset, amiral d’Angleterre et d’Irelande, et mareschal de l’ost de très-hault et puissant prince, mon très-honnoré et redoubté seigneur le duc de Clarence, lieutenant du Roy, mon très-redoubté et très-souverain seigneur, a toutz ceulx qui ces présentes lettres verront et orront, salut. Sçavoir faisons que pour les pastiz que ont a nous l’abbé et convent de Cormery, pour eulx, leur abbaye, et ville de Cormery et pour leurs granges appelées Montchenin et Aubeigné et pour leurs serviteurs auxquelz avons donné nos lettres de protection et saulvegarde scellées de notre signe, et pour leurs terres, tenemens, biens,et chasteaulx quelconques, avons reçu pour et au nom desdicts abbé et convent la somme de troys centz cinquante escutz, de laquelle somme nous nous tenons pour contens et bien paiés. Si prenons en notre protection et saulvegarde les dicts abbé et convent, leur abbaye et ville de Cormery, avecques les dictes granges, terres, tenemens, biens et chateaulx quelconques, et semblablement toulz leurs serviteurs, biens, terres, tenemens par noz autres lettres protiges, en commandant et enjoignant a tous nos subjectz que les dessusdiçtz en nos dictes lettres especifiées seuffrent joyr et user d’icelles noz lettres et sauf-conduit par ung moys a durer après la date d’icelles, pourvu toutevoyes que
