Page:Castets - La Chanson des quatre fils Aymon, 1909.djvu/605

577

les quatre fils aymon

9835Por Deu, veïs le tu dedans le paveillon ? »
« Oïl, ce dist Maugis, par le cors saint Simon,
Destroit et à malaise, bandes les iols del front. »^[1]
« Hé Dex ! ce dist Renaus, se nos le veïom,
Ençois que il fust mors, le nobile baron !
9840Certes, se je n’avoie fors Baiart l’arragon
Et Aallart mon frere et Guichart qu’est preudom,
Et Maugis, mon cousin, qui molt est gentis hom ;
Se Charles i avoit .ii.m. compaignons,
Si voldroie resqueure Richart le poigneor. »^[2]
9845Mist Bondin à la bouche, sel sona par vigor.^[3]
A Montauban avoit tel costume à cel jor,
Quant ooient soner Bondin, sens nul trestor
Estoient en esfroi li grant et li menor.
Et palais s’adouboient, n’i queroient sejor.
9850Tot contreval la ville, el borc et el donjon,
Il vestent les haubers, lacent hiaumes reons
Et çaignent les espées as senestres girons
Et monterent es seles des destriers arragons.
Quant il sunt asemblé, bien .xv.m. sunt,
9855Et bien .vii.c. archiers as ars turcois qu’il ont.
Renaus fu adobés sor Baiart l’arragon,
Aallars et Guichars, chascuns sor .i. gascon,
Et Maugis li larrons n’i fist pas lonc sejor ;
M 260Ains s’en est repairiés à son ostel el borc,
9860Et a osté sa chape o tout son chaperon
Et les trebus des jambes et del poing le bordon
Et l’eskerpe del col et le chapel del front.^[4]
Lors a mangié d’une herbe, blanc devint comme flor ;
Et d’une autre en a pris, si desanfle trestos.
9865Il a chemise et braies et .i. bon ciglaton ;
Chauces de fer avoit et dorés esperons
Et vesti en son dos .i. hauberc fremillon.
Et laça en son chief .i. vert helme reont

1. 9837 L’on a donc bandé les yeux à Richard après qu’il a eu remarqué le signe que Maugis lui faisait.
2. 9844 M Si secourroie je.
3. 9845 Cf. la note au v. 7605.
4. 9862 B Et les curbez des piés. M trublez des piés nus jus et.