Quant Renaus l’a veü, si mua son corage ;
Dont parla hautement comme preudome et sage.
« Baron, ce dist li dus, ce tieng ge à viltage[1]
Que si aleis pa[i]ssant comme beste sauvage.[2]
Mais veneis tost çà jus en cest plain marinage ;
Illueques si penron en[c]u[i] mais herbergage.[3]
Se li hermites vit, bien sai en mon corage,
Bon ostel nos fera comme gent de parage. »
A cest mot s’aroterent, si s’en vont comme sage ;
Il ont tant esploitié contremont le boschage
Qu’il vinrent au [manoir] où siet li hermitage.[4]
Renaus fiert à la porte ; e vos l’ome sauvage.
Tantost com vit Renaut et trestout son barnage,
Il le cuert acoler, onques n’i fist estage :
« Sire, bien veignies vos ; quant [issistes de cage] ? »[5]
« Hier main, ce dist Renaus, laissai mon heritage. »
Molt fu liés li hermites, quant il conut Renaut :[6]
Ainz mais ne vit nus home por qui il fu si [baut] :
Il ot tel joie au cuer que il en ule et saut.[7]
La duchesse apela, si li cria en haut :
« Dame, bien veignies vos, por lo Dex qui ne fa[ut].[8]
Sejorner vos covient avec moi en cest gau[t].[9]
Molt a çaiens vitaille, que nule riens ne faut. »
Il corrut en sa chambre, il n’i a fait c’un saut ;
Pain et vin aporta [et bon let trestot chaut].[10]
Si [s’est] assis Renaus au bas ne mie en haut :[11]
- ↑ 13812 Sic L. grant n’y est pas, mais dans M : je tieng à grant viltage. La note de Michelant repose sur la confusion de deux leçons.
- ↑ 13813 L passant. M paissant.
- ↑ 13815 L enumais. Michelant : encui nostre. On peut corriger : anuit mais.
- ↑ 13820 Sic M. L manage.
- ↑ 13824 Sic M. L quant venistes de chage.
- ↑ 13826 Lettres rognées.
- ↑ 13828 A qu’il tripe et dance et saut. M il ot si grant leeiche que de joie tressaut, d’où la correction inutile de Michelant.
- ↑ 13830 Lettres rognées.
- ↑ 13831 M ajoute : Tant que serez garie du mal qui vous assaut. Michelant l’introduit sans note, mais il n’est pas indispensable.
- ↑ 13834 Sic M. L répète que nule riens ne faut.
- ↑ 13835 L Si a assis. M Dont s’est Renaus assis.
