Del palais se partirent, si lor a fait grant honte,[1]
Vers la porte avalerent qu’il virent en lor fronte ;
Errament l’ont passée, que n’i fist autre conte.
Quant il furent [dehors], onques n’i quistrent monte[2]
Desi à Charlemaigne qui sor .i. soler monte ;
Ses barons salua, [qui ont eü] grant honte.[3]
Charles vit ses messages, si dist grant aleüre
Se il virent Richart à la grant forcheüre.[4]
« Nenil, [ce] dist [dus] Naimes, par la digne figure.[5]
Bien vos mande Renaus qui auques s’aseüre,
Ja Maugis ne rendra par nesune aventure.
[Dit par vos l’a perdu et por vo meneüre.[6]
Richart ne velt pas rendre, mis l’a en fremeüre ;
Bien vos mande par nos, mais n’ira en pasture,
Demain lo verres pendre sor cele porte dure. »
Quant Rollans ot Naymon, parfondement s’oscure :
« Se Richars muert issi, ço est grant mesprisure ;
Li rois nos lo toldra par sa grant desmesure,
Qui ne velt pais n’acorde ne ne tenir droiture].
Ne maudit Dame Dex le fruit qui ne maüre.
Par icel Dame Dex qui tot lo mont acure,
- ↑ 14654 Sic L A. M n’i font plus lonc à conte.
- ↑ 14657 L aumunt.
- ↑ 14659 L répète : si lor a fait. M assez ont oï honte.
- ↑ 14661 M à la gente feiture.
- ↑ 14662 L Nenil se dist N. M Nennil, sire, dist il.
- ↑ 14665-14672 Je conserve à peu près le texte donné par Michelant d’après M L. Texte de L :
Quant Kll. l’ot, saint Pou forment en jure.
N., ce dist li rois, or oi grant mespressure.
Li rois lo vos toldra par force de[s]mesure,
Qui ne velt pais n’acorde ne ne tienent droiture.
Richart ne velt pas pandre, mais il [l’]a mis en mures.
Demain le vos pandra sor cele porte dure.
Jamais n’en sera garde ne tenra en pasture.
Ne maudit Damedex.Dans cet état, le texte n’a pas de sens suivi. Il y a sûrement des lacunes.
Leçons de M supprimées : 14666 veut ; 14668 roche dure ; 14669 parfoncement dans Michelant est une faute d’impression. 14671 Lo roi le nous todra ; 14672 veut pes n’acort ne tenir en.
