Tant troverai vitaille, de porter serai chaut.
Molt sai bien truander, ge sui .i. bon ribaut. »
« Et ge, ce dist li dus, quant ge voi qu’il me faut. »[1]
La dame oï ses ostes parler issi en haut ;[2]
Lors torn[a] en [la] chambre, n’i a fait que .i. saut.[3]
La dame oï ses ostes, grant joie s’entrefont ;
- ↑ 15381 Cf. v. 15184. — M se mon argent me faut. Ainsi le type, si noble d’abord, tourne au vulgaire.
- ↑ 15382 M si trez haut.
- ↑ 15383 L tornit, sa, M corout, la. A abrège : quant la dame les oit, si entre celle part. — Après ce vers M se sépare de L A P et, par la transition, reproduite ci-dessous, rejoint B C V :
L’ostesse vint corant en la chambre pavée,
Là où li dui baron ont fet lor demorée.
Quant Maugis voit s’ostesse, si l’a bien saluée.
Quant l’a veü lever, tantost sans demorée,
El demande : Estez saint ? ne m’en feitez chelée,
Et il dist : Oïl, dame, comme pomme parée.
Moult m’avez fet de bien. Chil qui fist la rousée,
Le vous le rende à l’ame, quant serez trespassée.
Et la dame respont, qui ot bonne pensée :
Se je vous ai bien fet, la roïne henorée
Me rende la merite, quant seroi trepassée.
Adonc parla Renaut à la chiere membrée :
Avon nous que mengier ? est la chose aprestée ?
Oïl, chen dist la dame. Or tost, sans demorée.
La table est toute mise, s’ont l’eve demandée,
Et Renaus et Maugis n’i ont fait arrestée.
Au mengier sunt asis, s’ont l’ostesse appelée,
Puis mengierent et burent tant comme il lor agrée.
Lors font oster la table qui fu et grant et lée.
Atant se vont couchier, que l’eure fu passée.
Li baron s’endormirent desi à l’ajornée
Que il se sunt levé quant l’aube fut crevée.
Il s’en vont lor quemin, lor voie ont trespassée,
Et si ont tant erré toute jour ajournée.
Qu’il vindrent à Marceille qui siet sus mer salée
Iluec trouverent nef qui estoit aprestée.
Renaus parla o mestre, la nef a alouée.
Pour lui et pour Maugis, il laissa en soudée
