Le texte de cette page a été corrigé et est conforme au fac-similé.
Que j’engagay par obligacion,
Pour plus seurté d’estre son serviteur,
Sans faintise, ou excusacion,
Et puis, après recommandacion,
Je delairay, à mon tresgrant honneur,
À jeunes gens qui sont en leur verdeur
Tous fais d’Amours par resignacion.
LA REQUESTE
Aux excellens et puissans en noblesse.
Dieu Ciipido et Venus la déesse.
Dieu Ciipido et Venus la déesse.
Supplie presentement.
Humblement,
Charles, le duc d’Orlians
Qui a esté longuement,
Ligement
L’un de voz obéissans,
Et entre les vraiz amans,
Vos servans,
A despendu largement
Le temps de ses jeunes ans,
Tresplaisans,
À vous servir loyaument,
Qu’il vous plaise regarder
Et passer
Ceste requeste présente,
Sans la vouloir refuser ;
Mais penser
Que d’umble vueil la presente
