Le texte de cette page a été corrigé et est conforme au fac-similé.
Fine mes jours
Cest derrain soir,
Veuillez savoir
Qu’à nonchaloir
Mis par vous tous,
Sans vous veoir.
Mourant espoir
Ferez devoir,
Souviengne vous
Que laissay tous,
Par vous vouloir.
Sans vous veoir.
II.
Faulce mort,
À grant tort.
M’as grevée,
Et ostée
Mon deport ;
Mon cuer mort ;
Car trop tort
L’as serré,
Faulce mort.
Près du bort
Du mal port
M’as laissiée
Desolée,
Sans confort,
Faulce mort.
