Page:Charles d Orléans - Poésies complètes, Flammarion, 1915.djvu/297

Quant me viennent en souvenir,
Mon cueur en penser n’est pas coy.
Au fort , plus avant que ne doy,
Jamais je ne pense en guérir;
Qui? quoy ? comment? à qui ? pourquoy ?
Passez, presens ou avenir.
On s’en peut rapporter à moy
Qui de vivre ay eu beau loisir,
Pour bien apprendre et retenir;
Assez ay congneu, je m’en croy,
Qui? quoy? comment? à qui? pourquoy?
CHANSON XXIV.
Belle que je chéris et crains ,
En cest estât suis ordonné
Que Dangier m’a emprisonné
De vostre grant beaulté loingtains.
N’il ne m’a de tous biens mondains
Qu’un souvenir abandonné.
Belle que je chéris et crains,
En cest estât suis ordonné.
Mais de nulle riens ne me plains
Fors qu’il ne m’a tost raençonné ;
Car bien lui seroit guerdonné,
Si j’estoye hors de ses mains,
Belle que je chéris et crains.
CHANSON XXV.
Je prens en mes mains voz debas
Désormais, mon cueur et mes yeulx;