Page:Charles d Orléans - Poésies complètes, Flammarion, 1915.djvu/300

Prions mercy du tems passé,
Et pour les âmes trespassées,
Chascun pas à pas ses passées
Face, avant que soit trespassé.
Tant que Pasques soient passées,
Se nous avons riens trespassé.
Foleur a fait grandes passées.
Mains cueurs ont tout oultre passé;
Pource, par nous soit compassé
D’eschever faultes compassées,
Tant que Pasques soient passées.
CHANSON XXX.
Puis que je ne puis eschapper
De vous. Courrons, Dueil et Tristesse,
Il me convient siiir l’adresse
Telle que me vouldrés donner.
Povoir n’ay pas de l’amender,
Car Doleur est de moy maistresse.
Puis que je ne puis eschapper
De vous. Courroux, Dueil et Tristesse.
Si manderay par un Penser
A mon las cueur vuit de liesse
Qu’il prengne en gré sa grant destresse,
Car il lui faut tout endurer.
Puis que je ne puis eschapper.
CHANSON XXXI.
Sans ce, le demourant n’est rien;
Qu’esse? je le vous ay à dire.