<poem style="margin-left:8em; font-size:100%"> Et monstrer au doy, Se dessoubz sa loy Vous laissiez abatrc. Alons nous esbatre.
RONDEAU CV. Aussi bien laides que belles Contrefont les dangereuses, Et souvent les précieuses ; Elz ont les manières telles. Pareillement les pucelles Deviennent tantost honteuses ; Aussi bien laides que belles Contrefont les dangereuses. Les vieilles font les nouvelles, En paroUes gracieuses Et accointances joyeuses ; C’est la condicion d’elles, Aussi bien laides que belles.
RONDEAU CVI. Je vous arreste, de main mise, Mes yeulx, emprisonnez serez, Plus mon cueur ne gouvernerez Désormais, je vous en avise. Trop avez fait à vostre guise. Par ma foy, plus ne le ferez. Je vous arreste, de main mise, Mes yeulx, emprisonnez serez. On peut bien pour vous corner prise,
