Page:Charles d Orléans - Poésies complètes, Flammarion, 1915.djvu/515

La bibliothèque libre.
Cette page n’a pas encore été corrigée

<poem style="margin-left:8em; font-size:100%"> RONDEAU CCXLIX. Une povre ame tourmentée Ou Purgatoire de Soussy, Est en mon corps ; qu’il soit îiinsi, Il y pert, et nuyt et journée. Piteusement est detirée. Sans point cesser, puis là, puis cy, Une povre ame tourmentée Ou Purgatoire de Soussy. Mon cueur en a -peine portée, Tant qu’il en est presque transy; Mais espérance j’ay aussi Qu’au derrenier, sera sauvée, Une povre ame tourmentée.

RONDEAU GCL. Ces beaulx mignons à vendre et à revendre, Regardez les, sont ilz pas à louer ? Au service sont tous près d’eulx louer Du Dieu d’Amours, s’il lui plaist à les prendre. Bon escolle sauront bientost aprendre ; Bons escolliers, je les vueil advouer, Ces beaulx mignons à vendre et à revendre ; Regardez les, sont ilz pas à louer ? Et s’ilz faillent, il les pourra reprendre, Quant ilz vouldront trop nycement jouer. Et sus leurs braz la chemise nouer, Tant qu’au batre ne se puissent deffendre. Ces beaulx mii^nons à vendre et à revendre.