<poem style="margin-left:8em; font-size:100%"> Qui est il ce nouveau chanteur, Qui si mal vient à son attainte ? Chiere contrefaitte de cueur, De vert perdu et tanné painte. Je ne tiens contre, ne teneur, Enroué, faisant faulte mainte. Et mal entonné par Contrainte ; C’est la chapelle de Douleur, Chiere contrefaitte de cueur.
RONDEAU CCLXXXVII. Il n’est nul si beau passe temps Que de jouer à la Pensée, Mais qu’elle soit bien despensée Par Raison, ainsi je l’entens. Elle a fait miLz despens contens, Par Espoir soit recompensée. Il n’est nul si beau passe temps Que de jouera la Pensée. Elle dit : A ce je m’attens, Veu qu’ay Loyaulté pourpensée, Que de mes soussiz dispensée Seray, malgré les malcontens. Il n’est nul si beau passe temps.
RONDEAU CCLXXXVIII. Prophetizant de vostre advenement. Voyant venir voz haulx biens cleremenr Acompaignez de vostre grant beaulté, A vous amer si fort me suis bouté Qu’au monde n’ay nul autre pensement.
