Page:Charles d Orléans - Poésies complètes, Flammarion, 1915.djvu/560

CHANSON.
Faittes pour moy com j’ay pour vous.
Retenez moy, par dessus tous,
Amy tout seul, tresbelle Dame,
Je vous jure sur Dieu, sur m’ame,
Nevueil servir autre que vous.
Guerrissez moy du mal d’Amours,
Et me donnez, du bien de vous.
Réconfort tel plus ne m’en chaille.
Mon cueur, m’amour, monfincueurdoulx,
A vous me rens, à vous suis tous.
Je vous ayme plus que autre femme,
N’autre que vous n’aura la garde
Elas de moy qui suis à vous.

CHANSON.
D’amours meschant par parolle de bouche
Et tresriche de cuer privéement
Est Varamboz, qui fait secrètement
Tousjoursson fait, sans monstrer qu’il y touche.
Il ne faut jà qu’il face le farouche.
On le congnoist par son contenement :
D’amours meschant par parolle de bouche,
Et tresriche de cuer privéement.
Quant il est temps d’amoureuse escarmouche,
Bien est armé de saïette hardement.
Et scet traire son parler doulcement.
Je n’en dy plus, c’est une forte mouche :
D’amours meschant par parolle de bouche.

__________