Cette page n’a pas encore été corrigée
abominable, et n’y faut autre chose pour s’en garder : aussi, bien meriter d’autruy est beau et noble, et ne faut autre chose pour s’y eschauffer. Et en un mot, ce n’est pas bien faire, si l’on regarde à la pareille ; c’est traficquer et mettre à profict : (…). Il ne faut pas confondre et mesler des actions tant diverses : (…). Tels meritent bien d’estre trompez qui s’y attendent : (…). Celle n’est femme de bien, qui, pour mieux rappeller et reschauffer, ou par craincte, refuse : (…). Aussi ne merite celuy qui faict bien pour le r’avoir. Les graces sont vierges, sans esperance de retour, dict Hesiode. Bien faire à la façon que desire et qui vient à gré à
