Le texte de cette page a été corrigé et est conforme au fac-similé.
Cousue par aventure
Si que peine doulereuse[1]
N’ara en la deffritture
Infernal qui, par droitiure,
Punist humaine faiiture
En l’orde valée ombreuse.
Explicit lay leonime.
LAY[2]
Se je ne finoye de dire
Et d’escripre,[3]
Je ne pourroie souffire,
Amis, pour louer assez,
En cent ans voire passez,[4]
Vostre bonté, n’a descripre
Vo beaulté ou l’en se mire,
N’a redire
N’y a, si sont amassez
En vous tous biens entassez
Ou grâce et honneur se tire.
N’il n’est royaume n’empire
Ou eslire
On peüst tel, n’oÿ lire
N’ay des vaillans trespassez[5]
