ayant demandé conseil aux Deuins. Ariouistus Roy des Alemans, ayant quatre cens mil hommes, and se gouuernant par les Sorciers du iour de la bataille, qu'elles empeschoient estre donné deuant la nouuelle Lune: Cæsar le sçachant, comme il escrit, soudain luy donna la bataille, and veinquit.G1 Mais sans aller plus loing nous auons l'exemple d'vn qui voulut sçauoir l'issuë de la bataille de Pauie, par le moyen d'vn Sorcier, qui luy fist veoir l'ost des ennemis, and la response fut semblable aux anciens Oracles, and l'issuë luctueuse à toute la France. En cas pareil Manfroy Roy de Sicile, and Fernand conte de Flandres, s'estant enquis du diable s'ils auroient victoire, eurent des respõses douteuses par lesquelles ils se promettoient les victoires, and neantmoins ils perdirent tous deux leurs estats. Nous auõs encores vn autre exemple du Roy de Suede, and les lettres enuoyees aux Princes d'Alemaigne l'ãmil cinq cens soixante and trois, qui portoient que le Roy Henry de Suede auoit quatre Sorcieres, qui se vantoient d'empescher les victoires du Roy de Dannemarch, mais on en print vne, qui ne peust empescher le bourreau de la brusler toute vifue, and le Roy quatre ans apres fut pris par ses sugets, and priué de son estat, and getté en vne prison, où il est encores. Voyla donc quant aux predictions humaines, disons maintenant des moyens illicites. -notes- G1In commentariis belli Gallici, and Vegetius de arte milit. Book 1 - Chapter 6 Page 140
