mil pas la lieüe au pas Geometrique. Car combien que Archimede, and Ptolomee, n'ayent demonstré seulement que la distance de la terre iusques au Soleil, qui a douze cens and neuf semy diametres and demy de la terre, lequel semy diametre a 2736. lieües and plus à deux mil pas la lieüe, and le tour de la terre six fois autant auec vne septiesme d'auantage, ainsi que Ptolomee a demonstré, apres auoir recueilly les obseruations d'Hyparchus: Qui font en tout depuis le centre de la terre iusques au Soleil, quatre cens quarante, and neuf mil trois cens soixante and quatre lieües, à deux mil pas chacune. Neantmoins les Arabes Alfragan, Albategny, Tebit, Campan, ont passé plus outre, and laissé par escrit, que la distance de la terre, iusques au huictiesme ciel, à vingt mil octante and vn semydiametre de la terre, and XXVIII. minutes d'auantage, qui font trente and six millions, cent quarante and cinq mil huict cens lieües. Le Rabin Moyse Ramban au troisiesme liure [Hebrew omitted]: y en met plus: car les demonstrations Astronomiques se font au sens: mais en prenant le moins, il est certain and demonstré par Ptolomee que la raison du semydiametre à l'arc, est comme de cinquante deux à soixante: and par la demonstration d'Euclide au troisiesme, les six semydiametres du cercle font iustement l'exagone, tellement que le semy diametre, depuis le centre de la terre iusques à l'huictiesme ciel, se trouuera iustement six fois en l'huictiesme ciel, qui sont six fois trente six millions cent quarante and six mille huict cens lieües: and le surplus du cercle, qui sont quarante and huict degrez Page 588
