falloit ainsi grande, pour faire ce qu'il en vouloit faire. Et par mesme moyen fit faire un couvercle, le plus juste possible. Et quant et quant[1] et pareillement fit faire une fosse en terre assez large pour enterrer ceste cuve. Et la fit caver[2] le plus bas qu'il peut. Quand il veit son cas ainsi bien appareillé, il fit venir, en vertu de ceste saincte pierre, tous les espritz de ce bas monde, grands et petits[3]. Commençant aux quatre empereurs des quatre coings de la terre. Puis fit venir les roys, les ducs, les contes, les barons, les colonnelz, capitaines, caporaux, lancespessades[4], soudars[5] à pied et à cheval, et tous tant qu'il y en avoit. Et à ce compte, il n'en demeura pas un pour faire la cuisine. Quand ilz furent venuz, Salomon leur commanda, en la vertu susdicte, qu'ilz eussent tous à se mettre dedans ceste cuve, laquelle estoit enfoncée dedans ce creux de terre. Les esprits ne sceurent contredire qu'ilz n'y entrassent. Et croyez que c'estoit à grand regret, et qu'il y en avoit qui faisoyent une terrible grimasse. Incontinent qu'ilz furent là dedans, Salomon fit mettre le couvercle dessus, et le fit très bien lutter, cum luto sapientiæ[6], et vous laisse messieurs les diables là dedans, lesquelz il fit encores couvrir de terre, jusques à ce que la fosse fust comble. En quoy toute son intention estoit que le monde ne fust plus infecté de ces meschans et maudits vermeniers[7], et que les hommes de là en avant[8] vesquissent en paix et amour, et que toutes vertus et resjouissances regnassent sur terre. Et, de faict, soudainement apres furent les
- ↑ Avec, en outre, de surplus.
- ↑ Creuser ; de cavare.
- ↑ L'auteur anonyme du Cabinet du Roy de France (1581, in-8) dit que les magiciens ont fait un inventaire de la monarchie diabolique, avec les noms des soixante-douze princes et de sept millions quatre cent cinq mille neuf cent vingt diables ! Voyez p. 51 de ce singulier livre, attribué à Nicolas Froumenteau.
- ↑ Colonels, caporal, lancespessades (c'est-à-dire, en italien, lances rompues), étaient alors des mots nouveaux importés en France par les Italiens qui vinrent s'y établir après le mariage de Catherine de Médicis avec le Dauphin Henri. Voyez ces mots dans le Dictionnaire étymologique de Ménage.
- ↑ Note de correction wikisource : dans la première édition originale de 1558 R. Granjon (Lyon), on trouve soudars (graphie attestée : E. Marcadé, Le Mystère de la Passion, Arras, a. 1440, 228) alors que dans l'édition de 1561 G. Rouille (Lyon), il y a soldatz.
- ↑ C'est-à-dire : luter hermétiquement, avec une composition dont les alchimistes attribuaient l'invention à Hermès Trismégiste. Au commencement des Mille et une nuits, il est question d'un génie, que le roi Salomon avait emprisonné dans un vase de plomb scellé à son sceau, pour le jeter au fond de la mer.
- ↑ Méchante et maudite vermine, parce que les diables affectent de préférence la forme du serpent.
- ↑ Dorénavant.
