faire qu'en mariant ses trois filles ; mais il le trouvoit un petit malaysé, car il sçavoit bien que de les bailler à ses voisins, il n'y avoit ordre, d'autant que le faict de sa maison estoit congneu, ou pour le moins bien suspect. D'aultre part, de les faire prendre à ceulx qui estoyent les faiseurs, ce n'estoit chose qui se peust bonnement faire, car possible qu'il y en avoit plus d'un, et que l'un avoit fait les piedz et l'aultre les oreilles[1], et quelque aultre encores le nez. Que sçait-on comme les choses de ce monde vont ? Et puis, encores qu'il n'y en eust heu qu'un à chascune, un homme ne se fie pas volontiers en une fille qui luy a presté un pain sus la fournée[2]. Et pour ce, le pere trouva le plus expedient d'aller chercher des gendres un peu à l'escart ; et comme les hommes de joyeuse nature et de bonne chere à grand peine jamais finissent-ilz mal, il ne faillit pas à rencontrer ce qui luy faisoit besoin : qui fut au pays de Bretaigne, où il estoit bien congneu, tant pour le nom de sa maison, que pour le bien qu'il avoit audit pays, non gueres loin de la ville de Nantes ; au moyen dequoy luy fut facile de causer[3] son voyage là dessus. Brief, quant il fut audit pays, tant par personnes interposées, que par luy mesmes, il mit en avant le mariage de ses filles ; à quoy les Bretons ouvrirent assez tost les oreilles, de sorte qu'il en trouva à choisir. Mais, entre tous, il trouva une riche maison de gentil homme de Bretaigne, où il y avoit trois filz de bon age et de belle taille, beaux danseurs de passe-piedz et de trihoriz[4], beaux luiteurs, et n'en eussent craint homme collet à collet : de quoy mon gentil homme fut fort ayse ; et, parce que le plustost estoit le meilleur, il conclud son affaire promptement avec le pere et les trois enfans, qu'ilz
- ↑ Voy. ci-après la Nouvelle IX, que La Fontaine a imitée dans son conte du Faiseur d'oreilles.
- ↑ Expression figurée et proverbiale, qu'on retrouve dans ces vers de La Fontaine :
Après milles façons, cette bonne hypocrite
Un pain sur la fournée emprunta, dit l'auteur. - ↑ Motiver, pretexter.
- ↑ Le passe-pied était une espèce de trihori, suivant l'Orchesographie de Thoinot Arbeau, anagramme du nom de Jehan Tabourot. « La dance du Trihori, dit Noël du Fail, dans ces Contes d'Eutrapel, est trois fois plus magistrale et gaillarde que nulle autre. » Noël du Fail parle encore ailleurs de la danse du Trihori, « saltatio trichorica, l'honneur de long-temps acquis à la Basse-Bretagne, combien que par jalousie les escrivains voisins l'aient ravalé et celé. »
