Cette page n’a pas encore été corrigée
Qui toutes Beautez excelle,
Et ce, qu'ay pour elle auẞi
Chanté sur ce Bord icy.
===Des Miseres, et Fortune Humaines. Au Seigneur Jan Proust.===
Ode II.
Bellonne ſeme sang, & raige Parmy les Peuples ca, & la, Et chaße à la Mort maint Couraige De ce fouët tortu, qu'ell' a. Son Ame cetuy cy ottroye A un venin froid, & amer. Cetuy la est donné en Proye Aux flotz auares de la Mer. Aucuns d'une Main uengereſſe Veulent par la Mort eprouuer Si du mal, qui tant les oppreſſe, Pouront la guerisſon trouver. Quelques autres uenans de naitre Auant qu'ilz aillent rencontrant Ce, qui malheureux nous fait eſtre, Sortent du Monde en y entrant. Mercure des mains de la Parque Prent notz Vmbres, & les conduyt Au Bord, ou la fatale Barque Nous paſſe en l'eternelle Nuyt.
