Et nous vous disons qu’avec cette seulle chose, & son ferment, à savoir l’or ou l’argent dissoud vous pourrés vous ayder largement, comme nous vous enseignerons à la fin des particuliers en leur composition.
Prenez la susdite fleur animée, & la rectifiez par trois fois, & faite tout passer, & la terre qui vous restera jetez la, apres distillez par le bain, & prenez des quatre parties les trois, distillez de rechef, & les prenez toutes, & ainsi vous aurez la fleur animée rectifiée : prenez après un grand vaisseau de la longueur d’un bras, & y mettez la susdite fleur rectifiée, puis bouchez avec l’alambiq, & mettez le chappeau & son recipient, mais le bec du chappeau veut estre large & court, puis vous luy donnerez feu de cendre léger tant que tout ou la plus grande partie soit sublimée ou bien qu’elle passe en son récipient, en forme de sel tres-precieux ; duquel si vous voulez travailler, la voye de mixtion suffit avec cetuy cy, pour aiguiser notre C. & circulant par après selon le chapitre DD & par après vous ferez toutes les operations que nous vous avons ensei-
