gnées au chapitre precedent. Ainsi que soyez certain de le faire plus vistement ; Mais desirant venir au soufre de la nature de l’animal, il est de necessité que fassiez sublimer soudain que vous aurez rectifié la fleur animée, imbibez la terre selon l’ordre que nous vous avons donné, à sçavoir avec la huictiesme, septiesme, sixiesme, cinquiesme & quatriesme partie : puis sublimez, & vous ferez de ce second dont vous estes servi au vegetable, à sçavoir dissolvant l’un des deux luminaires ou tous deux ; sçachez mon fils qu’avec cetuy en un seul vaisseau nous avons fait cette branche que nous vous avons dicte, & repliquerons plusieurs fois, en la composition des medecines : maintenant je croy qu’il est impossible faisant les operations susdites de faillir. Et est vrai que la transmutation avec l’animal est plus briefve, & de moindre danger que la vegetable. Mais n’oubliez point que soudain que vous aurez rectifié la premiere fleur, vous en devez faire deux parts, l’une pour tirer l’ame ou bien le vinaigre tres-aigre de sa terre comme il est dict cy dessus, l’autre pour aiguiser & créer son tres--
