Le texte de cette page a été corrigé et est conforme au fac-similé.
— 105 —
rat, fesant un pou d’anel au bout, et non pas trop haute. Les ii os de l’eschine derrières large et de plaine paulme ou plus. Et y a de bons levriers à longues cueues bons et hardiz et tost allant ; et bon levrier doit aller si tost, que s’il est bien geté, il doibt ateindre toute beste, et là où illa ateindra la doit prendre par où plus tost pourra, sans abayer, et sans marchander. Et doit estre courtois et non pas fel[1] ; bien suyvant son maistre et fesant ce qu’il li commendera et doulz et net et gentil et lie et joyeulz et voulentiers gracieux en toutes manières fors que ès bestes[2] salvaiges, où il doit estre fel, despiteux et aigre.
