descoupler les chiens. Et se ses chiens en aloyent acouplés, venir au devant et les descoupler. Puis doit demourer un petit là où il hara leissié courre, pour escouter se les chiens se partiront[1], ou iront touz à un cri. Et se les chiens se partent, il doit prendre le vent et venir au devant des chiens ; et s’il voit qu’ilz chassent le change, il les doit brisier et menassier, comme j’ay dit devant, et les apeller et tirer au grant cri des autres qui chassent le droit. Et sil voit que ce soit son droit, il doit forhuer et corner chasse et leissier passer touz les chiens qui le chasseront. Et puis se mete après et chevauchier menée : c’est à dire par où les chiens et le cerf vont ; et fere, et chassier tout einsi comme un veneur doit fere, laquelle chose je diray plus à plain, quant je parleray du veneur. Et s’il y a des veneurs qui chassent leur droit, tant de fois comme il orra[2] les chiens chassier en deux ou trois parties, il les doit brisier et retourner au grant cri et à leur droit ; mes s’il ne savoit que les autres chassassent leur droit, il ne les doit pas brisier, jusques tant qu’il sache bien que[3] ils chassent ; quar moult de fois avient que deux chiens ou quatre enmainent leur droit et toute la muete et les veneurs aquieudront[4] le change. Et pour ce doit il regarder, ansois qu’il brise les chiens, s’ilz chassent la folie ou le droit ; et einsi doit il fere tout le jour. Et se ces deux ou quatre chiens, qui chassent leur droit, venoient en lieu près où les releis fussent, il doit faire releisser[5] ; et chasser, tout le jour, après menée, s’il y a pays par où il le puisse tenir ; et se non, le plus près qu’il porra de ses chiens, prenant touzjours le vent ; et fere bien souvent brisées pendantes, ou en terre ; et par tout, où par passées de voyes, ou par autre mol terrain, où il pourra
Page:Gaston Phoebus - La Chasse, J-Lavallee, 1854.djvu/227
Le texte de cette page a été corrigé et est conforme au fac-similé.
— 171 —
