L’autre haute teste et ouverte et mal chevillée et longues perches. L’autre basse, grosse et bien chevillée menuement. Et le premier cor qui est enprès les meules s’apelle antoillier et le segont sur-antoillier et les autres chevilleures ou cors. Et ceulx du bout de la teste s’apellent espois. Et quant il est de deux, il s’apelle fourchie. Et quant il est de trois ou de quatre, il s’apelle troucheure. Et quant il est de cinq ou de plus, il s’apelle paumeure. Et quant il est tout autour dessus chevillée comme une couronne, il s’apelle couronnée. Et quant leurs testes sont brunies ès charbonnières, voulentiers la teste demuere noire. Aussi fet-elle quant elles sont brunies ès croullières pour la terre qui est noyre comme boë[1] ; et quant elles sont brunies ès rascleis ou ès marlières, donc demuerent leurs testes blanches ; mes aucuns les ont blanches de leur nature et aussi noires de leur nature. Et quant ils se brunissent, ils fautrent[2] comme un cheval du pié et puis se voutrent comme un cheval et lors brunissent ils leurs antoilliers et surantoilliers, espois et brief toutes leurs perches et chevilleures. Et quant ils sont brunis, qui est partout le mois de juillet, ils demuerent jusques à la Sainte Croix de septembre, et lors vont au ruyt comme j’ay dit. Et au pre-
- ↑ Boë, boue.
(Roman de la Rose, vers 4082.)
Elle a une roë qui tourne ;
Celluy quelle veult elle met
Du plus bas amont au sommet
Et celluy qui est sur la roë
Renverse à ung tour en la boë. - ↑ Fautrent, chasser, repousser.
(Manuscrit cité par Ducange, vo Fautrum.)
Car en leurs cours ne peut entrer
Uns povres clers ; mais est fautrés
Quand du portier est encontrés.
le magnifique manuscrit de la bibliothèque particulière du roi on lit : Contrefaite ou diverse.
